Neymar forma unha sociedade letal con Mbappe para un novo triunfo do PSG

No partido sobranceiro da Liga Francesa que vimos na G2 apareceu Neymar para selar o triunfo do París Saint Germain. O brasileiro, discreto no inicio do campionato, anotou dous goles no primeiro tempo para encamiñar a undécima vitoria do líder da Ligue 1.

Mbappe anotou no segundo tempo o 0-3, o seu sexto gol da temporada. Parecía unha noite plácida para un PSG que se relaxou en exceso e a piques estivo de pagalo. Os goles do hondureño Ellis e de Niang meteron ao Burdeos no partido, pero o equipo do que é propietario o lucense Gerard López non puido culminar a remonta (2-3).