Nicaragua libera máis de 200 presos políticos

En Nicaragua, o réxime de Daniel Ortega libera máis de 200 presos políticos e expúlsaos aos Estados Unidos.

Entre os desterrados está a filla da expresidenta Barrios de Chamorro, que foi detida cando ía competir contra Ortega intentando repetir a fazaña da súa nai, que en 1990 lle gañara as eleccións ao líder sandinista.

Washington facilitou o trasporte seguro dos expulsados, que xa están nos Estados Unidos. O secretario de Estado norteamericano dixo que  esta liberación "abre a porta ao diálogo" con Managua.