Pedro Sánchez agradece o labor do Exército coa covid, na Palma e en Afganistán

Como cada 24 de decembro, tradicional mensaxe por videoconferencia do presidente do Goberno e da ministra de Defensa ás tropas despregadas no exterior.

Pedro Sánchez trasladoulles a gratitude da cidadanía ao labor que desempeñaron este ano os 9.221 militares fóra e dentro de España, tanto no rastrexo de contaxios de covid como en catástrofes como Filomena ou o volcán da Palma.

O presidente do Goberno agradeceu especialmente o labor do Exército en Afganistán.