Noia pode vivir este serán na G2 o seu día máis grande co ascenso

O Noia Portus Apostoli está a un paso  de facer realidade o soño de primeira. Un empate diante do Leganés esta tarde será suficiente para que sexa equipo da máxima categoría. A falta de seis partidos os de Marlon Velasco, sácanlle 18 puntos o segundo clasificado. Sumando un máis, matematicamente será campión da segunda categoría do fútbol sala español. O que aconteza no Agustín Mourís a partir das sete desta tarde verémolo en directo pola nosa segunda canle.