Sementan por primeira vez en Galicia berberecho criado nunha granxa

Na ría de Muros e Noia sementaron por primeira vez en Galicia berberecho criado en catividade. Agora quedan pendentes da evolución no mar desa semente saída do criadeiro de Outes. Agardan que o bivalvo consiga o tamaño comercial para a próxima campaña, contra o mes de outubro.

Foron 370.000 unidades as que sementaron fronte ao porto do Freixo, nunha zona balizada, na que non están a traballar, e a pouca profundidade, por onde adoitan andar os mariscadores de a pé.