Unha parella británica instálase en Vilalba para montar unha granxa de alpacas
Unha parella británica instálase en Vilalba para montar unha granxa de alpacas
De momento teñen nove exemplares e a súa intención é crialas e organizar visitas
Os animais pacen en varias parcelas ao pé da casa
O amor polas alpacas levou a Tony e Lauren a crear unha granxa en Lanzós, unha parroquia de Vilalba. Teñen nove exemplares, cinco femias e catro machos. Os donos deixaron atrás a súa vida no Reino Unido para levar a cabo esta iniciativa, coa que xa levan un ano en activo.
A súa intención é aproveitar a la das alpacas, pero tamén programan visitas e estancias máis longas para os que queiran convivir con estes animais. Queren espallar o cariño que senten polas súas alpacas. Para Lauren, son como pequenos.
As alpacas pastan nas parcelas que Tony e Lauren lles teñen preparadas ao pé da casa. Van rotando para que nunca lles falte alimento. Son tímidas e desconfiadas mentres non coñecen, pero din que cando as chaman polo seu nome reaccionan.
Tony e Lauren confían en continuar aumentando a granxa e invitan a quen se achegue polo lugar a coñecer as súas alpacas.
