Granxa Campomayor pon en marcha en Lugo unha planta de ovoelaborados
Granxa Campomayor pon en marcha en Lugo unha planta de ovoelaborados
Proxecto de innovación con ovos cociñados a baixa temperatura
Campomayor comercializa a diario un millón de ovos
Ovos semellan frescos, pero están cociñados a baixa temperatura, é o produto estrela que está a impulsar granxa Campomayor. Polo momento o seu principal mercado é a hostalería e comercializan mensualmente 300.000 ovos cociñados xa na súa propia casca.
"Fisicamente vémolo igual que un ovo corrente pero está cociñado dentro da propia cáscara, a clara está melosa e a xema cremosa. É un ovoproduto, está pasteurizado, e ten unha caducidade de 35 días", sinala Rodrígo García, director comercial de Granja Campomayor.
Campomayor acaba de pór en marcha en Lugo unha nova planta de procesamento, envasado e conservación de ovos a baixa temperatura pero traballan xa e outros ovoelaborados. Tras esta empresa hai 80 anos de historia e catro xeracións que non paran de innovar.
"Eu son a terceira xeración, dous dos meus fillos están plenamente incorporados e é un orgullo ver como vai avanzando a empresa. O que nos apaixona é facer cousas diferentes cun produto tan básico como é o ovo", explica María Caridad García Busto, CEO de Granja Campomayor.
Granxa Campomayor representa o 46 % da produción de ovos de Galicia e comercializa a diario un millón de ovos.
