O Alboroto, campión de España de J80

O Alboroto de Juan Carlos Ameneiro proclamouse campión de España de J80, logo dunha última xornada que tivo incerteza, xa que nun principio dábase por gañador ao Okofén de Javier de la Gándara, pero unha reclamación privouno do título. O podio completouno o Solintal cántabro de Ignacio Camino.

O Namasté, de Luis de Mira é o novo campión de España con tripulación mixta, e os galardóns de mellor tripulación xuvenil e feminina recaeron nos vascos Fhimasa e Decoexsa.

O Campionato de España de J80 foi para o Monte Real Club de Iates de Baiona o ensaio xeral para o mundial da clase, que vai organizar en 2023.