O BCE reduce os tipos de xuro un cuarto de punto, ao 2,25 %, a súa sexta baixada en sete meses

O Banco Central Europeo decide recortalos outros 25 puntos básicos. Con esta nova baixada, a sexta consecutiva, quedan no 2,25 por cento.

Doutra banda, o instituto emisor ha avisado de que as tensións comerciais afectarán de forma negativa ás previsións económicas para a área do euro. En todo caso, o Consello de Goberno do BCE mostrouse disposto a asegurar que a inflación se estabiliza no 2% a medio prazo e comprometeuse a adoptar as súas decisións reunión a reunión.

"O proceso de desinflación continúa avanzando. A inflación seguiu evolucionando conforme ao esperado polos expertos do BCE, e tanto a inflación xeral como a subxacente reducíronse en marzo", avanzou o BCE. "O crecemento dos salarios está a moderarse, e os beneficios están a amortecer parcialmente o impacto das subidas salariais, aínda elevadas, sobre a inflación", apostilou o organismo.

Con todo, o instituto emisor avisou de que as tensións comerciais afectarán de forma negativa ás previsións económicas para a área do euro. "A economía da zona do euro acumulou certa resiliencia para facer fronte ás perturbacións mundiais, pero as perspectivas de crecemento deterioráronse debido ao aumento das tensións comerciais", alertou o BCE.

En opinión do banco con sede en Frankfurt, unha maior incerteza podería reducir a confianza dos fogares e das empresas, e "é probable" que a resposta "adversa e volátil" dos mercados ás tensións comerciais dea lugar a un endurecemento das condicións de financiamento. "Estes factores poderían lastrar adicionalmente as perspectivas económicas da zona do euro", avisou.