O Breogán reforza o seu xogo interior co pivote senegalés Boubacar Toure
O xogador, de 213 centímetros e 29 anos, conta con experiencia na liga ACB tras o seu paso polo Valencia Basket
O Río Breogán anunciou este mércores a incorporación do pivote senegalés Boubacar Toure, quen procede do Liaoning Flying Leopards de China e asina un contrato coa entidade galega polo que resta de tempada.
“Toure é un pivote físico, de gran envergadura, intimidador e bo finalizador en posicións próximas a canastra”, apunta o Breogán no seu comunicado de prensa.
O xogador, de 213 centímetros e 29 anos, conta con experiencia na liga ACB tras o seu paso polo Valencia Basket, co que disputo 21 partidos na Euroliga e 14 na liga Endesa.
Formado nas universidades de Grand Canyon e Eastern Michigan (NCAA), onde foi incluído no mellor quinteto defensivo no seu último ano, tivo a súa primeira experiencia profesional na primeira liga francesa (Chorale Roanne Basket).
Tras dúas tempadas no baloncesto galo, en xullo de 2022 asinou polo Tofas SK de Turquía, de onde deu o salto ao ano seguinte ao Valencia Basket. Agora asina polo Breogán para suplir a baixa do nixeriano John Egbunu
