O Liceo afianza a terceira praza no seu grupo da Champions

O Liceo deixou case visto para sentenza o seu pase aos cuartos de final da Champions de hóckey a patíns logo de vencer ao Quevert francés por 2-0. Un resultado curto pero que vale o seu peso en ouro para o conxunto coruñés.

Por quinto encontro consecutivo volveu a deixar a súa portería a cero. O seu porteiro Martí Serra leva 255 minutos sen recibir un gol nos partidos que xoga o seu equipo en Riazor, unha cifra incrible para un deporte no que hai tantos goles e lanzamentos como o hóckey a patíns. O único gol do partido chegou no minuto 3 do segundo tempo nunha xogada do capitán Dava Torres que tocou cara a súa propia portería Turluer. No último minuto e co Quevert emborcado sobre a porta liceísta chegou o tanto definitivo de Arnau Xaus que decidiu o encontro.