O Cangas perde co Conquense e terá que seguir loitando pola permanencia

Na Liga Asobal, o Frigoríficos do Morrazo segue sen asegurar a permanencia. Queda a catro puntos do descenso tras perder este mediodía ante o Rebi Cuenca. 

O equipo galego caeu por 33-30 e iso que logrou poñerse por diante no marcador no comezo da segunda metade. Non soubo aproveitar os seus momentos e errou no ataque. E a catro minutos do final o equipo manchego volvía a ter unha renda de catro goles xa difícil de remontar.