O Celta pensa no Leganés coa enfermaría en mínimos

O Celta volveu ao traballo coa vista posta no Leganés, a quen visitan os de Giráldez o vindeiro domingo. Claudio poderá contar con case todos os seus xogadores para ese partido. Iago Aspas e Ilaix Moriba cumpriron sanción ante o Real Madrid e volven estar dispoñibles.

O único futbolista que permanece no parte médico é Luca de la Torre. Malia a derrota ante o Real Madrid, o conxunto de Claudio visita terras madrileñas con moi boas sensacións. O Leganés encadea oito xornadas sen gañar e precisa con urxencia sumar para non caer a postos de descenso.