Macron e Le Pen, os favoritos na primeira volta das presidenciais francesas
Macron e Le Pen, os favoritos na primeira volta das presidenciais francesas
As enquisas din que Enmanuel Macron será reelixido presidente de Francia
Se as enquisas acertan, Emmanuel Macron será o gañador da primeira volta das presidenciais francesas, nas que o electorado galo elixirá os dous candidatos que disputarán a segunda e definitiva volta o próximo día 24 de abril.
Pero esas mesmas sondaxes tamén din que a ultradereitista Marine Le Pen se situará en segunda posición, a dous ou tres puntos de diferenza respecto a Macron, é dicir, empatados tecnicamente.
O centrista Enmanuel Macron abandonou en gran medida a campaña electoral e confiou no seu tirón como actual presidente, cun papel destacado nas negociacións con Rusia sobre a guerra en Ucraína, ata que a ultradereitista Le Pen chegou a superalo en estimación de voto nalgunhas enquisas.
Resto de candidatos
Lonxe destes dous candidatos quedan o esquerdista Melenchon, o ultradereitista Zemmour ou a socialista hispanofrancesa Anne Hidalgo, que podería quedar por debaixo do cinco por cento dos votos esixidos para que o Estado pague os gastos electorais.
Nivel de abstención
Nesta xornada de reflexión, a gran dúbida dos expertos electorais é o nivel de abstención deste domingo, que podería achegarse ao 30 %.
A día de hoxe, dous terzos dos franceses están pouco ou nada interesados nas presidenciais; e un terzo dos que din que van votar non saben por quen facelo.
O gañador nas enquisas
En calquera caso, e con vistas á segunda volta do próximo día 24, as enquisas tamén apuntan á reelección de Macron como presidente de Francia, sexa cal sexa o rival que saia deste domingo.
