O Estado asume a busca dos desaparecidos na guerra e no franquismo
O Estado asume a busca dos desaparecidos na guerra e no franquismo
Apróbase no Congreso a Lei de Memoria Democrática co apoio do PSOE, Unidas Podemos, PNV, Bildu, PDeCAT, Más País e Compromís
O Pleno do Congreso aprobou este xoves o proxecto de Lei de Memoria Democrática.
A lei saiu adiante con 173 votos a favor, 159 en contra e 14 abstencións.
Os deputados do PSOE e de Unidas Podemos, o mesmo que os de EH Bildu, aplaudiron de pé a aprobación da lei dirixíndose aos membros de asociacións de memoria presentes na tribuna de convidados.
A norma contou ademais co apoio do PNV, PDeCAT, Más País e Compromís.
Votaron en contra o PP, Vox, Ciudadanos, Junts e a CUP.
Esquerra Republicana e o BNG optaron pola abstención porque aínda que aprecian avances, séguelles parecendo insuficiente.
A norma continuará agora a súa tramitación no Senado con vistas a ser aprobada definitivamente á volta do verán.
.jpg)
