O coruñés Carlos Cortés afronta a súa 18ª campaña na ACB

Carlos Cortés é xa todo un clásico no baloncesto. Con 48 anos e 30 na arbitraxe ás costas, afronta a súa 18ª campaña na ACB sen que albisque a hora da despedida.

"Quédanme sete anos para xubilarme na ACB. Prefiro ir ano a ano".

Considera un privilexio seguir na elite malia o sacrificio que supón.

"É a mellor liga de Europa. É unha esixencia máxima para nós".

Valora o mellor árbitro galego a adaptación da ACB aos tempos. Porén, aprecia tamén contras na aplicación das novas tecnoloxías á arbitraxe.

Nunca imaxinou chegar tan arriba. Pero 30 anos despois, o soño continúa.