O CSD mantén aberta a esperanza para que Vigo sexa sede mundialista

O Presidente do Consello Superior de Deportes, Rodríguez Uribes, declarou que o número de sedes que España vai ter no Mundial aínda non está pechado e que agarda que suba de once -as que hai actualmente- ata as trece. 

Nesas contas aparecerían as cidades de Vigo e de Valencia. "Agardo que poidamos incorporar a Vigo, que ademais ten unha irmandade con Porto e estamos facendo un campionato indo da man con Portugal", comentou nunha comparecencia pública o responsable máximo do CSD.