O Deportivo remata unha decepcionante primeira volta con derrota en León

O Deportivo perdeuse en León vítima da súa propia excitación e ansiedade. Bastou con que os dez minutos Rodrí Suárez quentase a Lucas para que os coruñeses acabasen por ferver. A partir de aquí xogouse o que quixo a Leonesa nunha primeira metade de múltiples incidencias en que se mancou Calderón e deu paso a Muguruza.

Na que Pablo Martínez saíu prexudicado neste choque de cabezas con Muguruza e tivo que deixar o seu sitio a Ximo Navarro. Na que Germán Parreño atrasou o inevitable no minuto corenta evitando o tanto de Martín Solar. Pero nada puido facer tres minutos despois cando Muguruza aproveitou unha boa xogada de Alvaro Martínez para facer o un a cero.

Os de Idiákez melloraron no segundo tempo liderados por un Yeremay desequilibrante que rematou tropezando unha e outra vez con Bañuz. Incluso a Leonesa puido aumentar a súa vantaxe nunha cabezada o traveseiro de Escudero. A entrada de Mella e de Hugo Rama intensificou o dominio herculino que acabou reclamando penalti no último derrubo por derrubo a Davo. Foi o resumo dun partido no que o Deportivo comezou alporizado e rematou indignado.