O exdeportivista Christian Santos reforza o ataque do Arenteiro

Un venezolano por outro, un exdeportivista por outro. O Arenteiro suple a marcha de Miku ao fútbol do seu país coa chegada de Christian Santos ata o final desta tempada. Así valora Álex Vázquez, director deportivo,  a chegada do dianteiro. 

"Christian Santos é un luxo".

"Vainos dar experiencia, axudará porque ten moi bo remate e adáptase ben".

Tras as súas aventuras en Venezuela, Chile e Unionistas, o ex do Alavés regresa ao fútbol galego para reforzar a un conxunto de Primeira RFEF, que será rival do Dépor e visitará Riazor na segunda volta.