O Exército arma unha ponte provisional en Aldea del Fresno, illada polas chuvias

A ministra de Defensa, Margarita Robles, visitou este domingo a localidade de Aldea del Fresno, unha das máis afectadas pola gota fría. 

A zona, no sur da comunidade de Madrid, está case illada desde hai unha semana ao desbordárense os tres ríos que pasan polo municipio e derrubárense tres pontes. Só quedou unha única vía de comunicación.

A ministra recibiu información sobre o terreo dos traballos para instalar unha pasarela que facilite a mobilidade.