O Leyma paga en Manresa a súa febleza defensiva (104-89)
O equipo de Epifanio buscou o intercambio de golpes, pero cando fallou o ataque o equipo local marchou con claridade
No terceiro cuarto xa recibira 85 puntos
O Leyma Coruña caeu con claridade, por 15 puntos, na pista do Manresa. Mal partido, sobre todo defensivo, dos xogadores de Diego Epifanio, como demostran os 85 puntos apañados xa ao remate do terceiro cuarto.
O Leyma só aguantou o ritmo ao principio. Despois xogou ao intercambio de golpes diante dun Manresa cun caudal ofensivo moi superior. Estreouse a última fichaxe, o letón Silins, que aportou 6 puntos. Heurtel foise ata os 19. O Leyma chegará ao derbi galego da próxima semana na última posición en solitario. Cameron Hunt, con 24 puntos anotados e un excelente 5/7 nas triplas, foi o xogador máis destacado do partido.
104-Baxi Manresa (28+29+28+19): Pérez (-), Hunt (24), Jou (6), Alston Jr (21), Steinbergs (16) -cinco inicial-; Vescovi (3), Reyes (2), Sagnia (5), Saint-Supery (7), Obasohan (9) e Cate (11).
89 - Leyma Coruña (22+22+21+24): Taylor (13), Scrubb (9), Barrueta (11), Burjanadze (6), Huskic (6) -cinco inicial-; Jakovics (2), Diagne (6), Heurtel (19), Font (-), Silins (6) e Thompkins (11).
