O Ourense remonta fronte ao Lugo (2-1) nun desenlace incrible

Imos coa Primeira Federación e co espectacular derbi que se viviu esta tarde no Couto. Rematou con vitoria épica do Ourense Club de Fútbol que prolongou o seu doce momento copeiro 

E iso que o Lugo colleu vantaxe aos 13 minutos cun córner que rematou á rede Erik Ruiz. O tanto do central do Lugo ratificaba o bo primeiro tempo do seu equipo.

No segundo a insistencia do Ourense tivo premio. No minuto 89 Carbonell recolleu un rexeitamento de Marcos Lavín e logrou a igualada. Tan só un minuto despois deste tanto un contraataque do Ourense rematou noutro tanto de Carbonell que lle daba a volta ao resultado neste desenlace incrible. O Ourense queda momentaneamente fóra do descenso. O Lugo ve este perigo a só tres puntos.