O Porriño loitará por un posto nas semifinais da EHF European Cup

Por motivos económicos, o Balonmán Porriño accedeu a disputar en Grecia os dous partidos da eliminatoria de cuartos de final da European Cup. Ida e volta este sábado e domingo.

"A viabilidade do club está por riba de todo. Gustaríanos xogar na casa. Imos intentar pasar para que a xente goce da semifinal".

Para continuar o soño europeo, o Porriño debe superar o Ionias, líder da liga helena. O que xa lograron é ser o único equipo español que se mantén na competición.