O prezo da vivenda nova disparouse un 11,2 %, a maior subida desde hai 17 anos

O prezo da vivenda libre subiu un 7,8 % no segundo trimestre do ano, segundo o índice de prezos de vivenda (IPV) do Instituto Nacional de Estatística (INE) publicado este xoves. A taxa é 1,5 puntos superior á do trimestre previo e a máis elevada desde o segundo trimestre de 2022.

Coa repunta do segundo trimestre de 2024, acumúlanse xa 41 trimestres consecutivos de alzas interanuais no prezo da vivenda libre.

Este impulso do 7,8 % nos prezos debeuse tanto á vivenda nova como á de segunda man. En concreto, o prezo da vivenda nova disparouse un 11,2 % no segundo trimestre, marcando a taxa máis alta desde o terceiro trimestre de 2007, cando estalou a crise das hipotecas.

Pola súa banda, o prezo da vivenda usada aumentou un 7,3 % na súa taxa interanual, 1,6 puntos por riba do que o fixo no trimestre previo e a súa maior repunta desde o verán de 2022.

Todas as comunidades autónomas elevaron o prezo da vivenda libre no segundo trimestre en taxa interanual. Os maiores incrementos rexistráronse en Navarra  e Aragón. Galicia sitúase entre as comunidades onde menos se encareceron os prezos. A suba foi na nosa comunidade do 6,7 %.