O primeiro treito da autovía entre Santiago e A Estrada estará rematado a finais deste ano

O primeiro treito da autovía entre Santiago e A Estrada estará rematado a finais deste ano.  Adiantouno a conselleira de Infraestruturas, María Allegue, coincidindo co izado dunha das doce vigas que conformarán o viaduto de Santa Lucía, unha das obras de enxeñería da autovía AG-59 que permitirá unir Santiago e A Estrada en tan só dez minutos. A Xunta de Galicia inviste nesta infraestrutura 67 millóns de euros.