O Rácing pecha a xornada o luns contra o Elxe á busca dun triunfo balsámico
Menéndez recoñece a dureza da situación do equipo menos goleador da Segunda
Yoel, baixa para o partido por unha lesión muscular
A xornada 34 na segunda vaina pechar o luns o Rácing de Ferrol no Martínez Valero. O cadro departamental ten sesión dobre de adestramento esta fin de semana. A primeira foi hoxe pola mañá. E tras ela confirmouse a baixa de Yoel por unha rotura muscular. Así que Jesús Ruíz pode volver defender a portería racinguista. Tamén están confirmadas as baixas de Cabaco, Perea e Röber Correa.
A segunda sesión de traballo será mañá antes de viaxar a Alacant. Agárdao o Elxe, o líder da categoría, que só perdeu dous partidos na casa. O Rácing é o equipo menos goleador da segunda. A falta de gol é unha das súas grandes eivas. Nunha situación crítica, o momento é especialmente duro para o adestrador.
