Publicador de contidos
Publicador de contidos

O Rácing quere aproveitar o efecto da Copa contra o Oviedo na Malata

O Rácing quere aproveitar o efecto da Copa contra o Oviedo na Malata

Cristóbal recupera a Álvaro Giménez e Róber Correa

Naldo, baixa por sanción

G24.gal 07/12/2024 13:28

Ao Rácing de Ferrol sentoulle ben o partido de Copa contra o Barakaldo. Unha vitoria que queren aproveitar os departamentais, de cara ao importante partido de mañá contra o Oviedo (14:00 h).

Último adestramento esta mañá pensando en aproveitar o impulso copeiro e deixar atrás estatísticas pobres. O Rácing leva tres xornadas sen marcar na liga e oito sen gañar, dende mediados de outubro. O equipo segue minguado polas ausencias, esta semana únese a de Naldo por sanción. Regresan Álvaro Giménez e Correa.

O obxectivo de mañá é claro para Cristóbal: "Temos que sumar os tres puntos. É o máis importante neste momento". O técnico tamén se referiu aos problemas co gol: "A ver se hai continuidade, sobre todo dos xogadores de banda. O gol é cousa de todos".

Sobre o escaso tempo de preparación tras a Copa, tamén explicou: "Despois de Barakaldo, intentamos recuperar os xogadores. Non houbo tempo para moito máis, pero analizamos ao rival".

Publicidade
Publicidade
Publicidade
Publicidade