O sector da conserva sae á rúa contra o preacordo do convenio colectivo en Boiro

As traballadoras da conserva saíron a manifestarse en Boiro en contra do preacordo do convenio colectivo do sector que asinaron UXT e CIG coa patronal. Din que non quedan recollidas as súas reivindicacións en canto á equiparación salarial entre mulleres e homes.

As operarias, apoiadas por Comisións Obreiras, desmárcanse do acordo ao que se chegou o xoves. Na protesta rexeitaron a cuarta quenda de fin de semana e esixiron un convenio que lles permita a conciliación e que realmente garanta a equiparación salarial en todas as categorías.