O TAD inhabilita dous anos a Pedro Rocha, presidente da Federación Española de Fútbol

Un día despois das celebracións pola Eurocopa, Pedro Rocha, o presidente da Federación Española, foi inhabilitado polo Tribunal de Arbitraxe Deportiva. Dous anos e multa de trinta e tres mil euros é a sanción acordada pola xestión á fronte da comisión xestora tras a saída de Luis Rubiales.

O motivo, excederse nas súas funcións. Despediu a Andreu Camps, o secretario xeral anterior da federación con Luis Rubiales. Rocha estivo na Eurocopa e acaba de celebrar o titulo a carón de xogadores e técnicos. Obviamente terá a oportunidade de recorrer contra a decisión. Se lle aplican medidas cautelares, seguirá.