Cargando resultados...
Ofrenda floral a Valle-Inclán e Isaac Díaz Pardo no cemiterio de Boisaca en Santiago
Ofrenda floral a Valle-Inclán e Isaac Díaz Pardo no cemiterio de Boisaca en Santiago
No aniversario dos falecementos dos dous intelectuais galegos, estiveron o conselleiro de Cultura e a alcaldesa de Compostela
O Conselleiro de Cultura e a alcaldesa de Santiago na ofrenda floral en Boisaca este domingo
G24.gal
05/01/2025 14:25
Última actualización 05/01/2025 14:46
Nunha xornada con moita auga previa ao día de Reis celebrouse a tradicional ofrenda floral no cemiterio compostelán de Boisaca a Valle-Inclán e a Isaac Díaz Pardo no aniversario dos seus falecementos.
Entre os participantes nesta homenaxe aos dous intelectuais galegos, estaban o conselleiro de Cultura, Xosé López Campos, e a alcaldesa de Santiago, Goretti Sanmartín.
Tamén estiveron familiares dos propios autores e representantes do Museo Valle-Inclán e dos concellos da Pobra do Caramiñal e de Vilanova da Arousa, da Asociación de Amigos de Valle-Inclán e do Foro Galicia e Valle-Inclán.
