Operación retorno do Nadal
Operación retorno do Nadal
Nos aeroportos, o de Reis é un dos días de maior tráfico aéreo
Circulación sen incidencias importantes na rede viaria de Galicia
AENA operou este día de Reis máis de cinco mil voos. A maioría, son para facilitar o retorno dos que viaxaron no Nadal.
Nos aeroportos, moitos nenos. Vímolos no colo, subidos nas maletas e ata abrindo agasallos. A maioría despedíanse dos avós, para regresar aos lugares onde viven e traballan os pais. Aínda que tamén atopamos algún que comezaba vacacións.
É un día despedidas. Tamén para moitos mariñeiros, que soben ao avión para coller despois un pesqueiro onde embarcar durante meses.
Operación retorno por estrada
E por estrada, a operación retorno transcorre sen maiores incidencias. Durante o día houbo pequenos problemas de circulación en estradas secundarias de Pantón e Carballedo, en Lugo, ou nas de Camariñas e Oroso, na Coruña. Polo demais, o tempo axudou nestas horas para que a condución fose máis doada.
