Operadores turísticos dos EUA coñecen Galicia para ofrecela como destino aos seus clientes

Os turistas chegados a Galicia desde EUA superaron o cuarto de millón o ano pasado. Adoitan ser visitantes con estadías medio longas e con alto poder adquisitivo, que interesan moito no sector. Por iso, estes días, invitaron unha delegación de axencias de viaxes de Chicago a un tour informativo por Galicia.

Segundo a axente de Chicago Claudia Cabasos o impacto do verde, que lle lembra a Irlanda, é un dos síntomas do asombro máis comús nos operadores que acaban de chegar e viñan coa idea dun destino máis tipicamente español.  

Wasy Kushchynskyl, da  Oficina Española de Turismo en Chicago, explica que a maioría coñecen de España as cidades de Madrid e Barcelona, e que que queren voover para ver algo diferente. Nese sentido, Helina, tamén axente de turismo en Illinois, cre que Galicia é un destino versátil, tanto para os que buscan relaxarse como para os que queren máis actividade e aventura.

Sábeno xa os 260.000 estadounidenses que en 2024 converteron o seu país nun dos nosos principais provedores de turistas.

"Converténdose no segundo mercado turístico máis importante despois de Portugal, e no primeiro, se falamos de peregrinos", explicou Xosé Manuel Merelles, director de Turismo de Galicia.

De aquí ao venres estes axentes pasarán por Santiago, as Rías Baixas, a Ribeira Sacra, coñecerán pazos e castros e poderán levar ás súas axencias americanas unha morea de ideas, contactos e propostas para aconsellar os seus clientes.