Os cirurxiáns apostan pola innovación na súa XXIII reunión anual na Coruña

A primera gran reunión de cirurxiáns tras os tempos duros da covid recupera a presencialidade. Faino na Coruña e nun contexto onde os profesionais que nos operan poñer en valor a necesidade de innovación

"Hai que ter en conta que o que vemos aquí son técnicas que ao mellor puideches ver nalgunha revista de divulgación científica, pero ter aquí o experto, que despois poidas tomar un café e que che comente os matices, detalles, fai que te sintas co confort e coa seguridade para poñer a técnica en marcha", explica Xosé Francisco Noguera, presidente do comité organizador.

Robotización dos procesos, segura para o paciente e sostible para o sistema. É o asunto principal para os cirurxiáns nos tempos que corren. Xusto despois de vivir uns meses anómalos a causa da covid. 

"Traballamos nun ámbito que non era o noso habitual, para axudar os médicos da UCI, de Medicina Interna, deixamos de operar, dedicámonos a atender pacientes noutro contexto. Pero agora hai que operar o que toca, sempre atendendo aos estándares de calidade e de atención, pero mañá e tarde, e cando máis rendemento poidamos sacar, mellor", engaden.

Rendemento, formación, cooperación que aflora en congresos coma este da Coruña e que, din os cirurxiáns, deben redundar sempre en beneficio do paciente.