Os empresarios de Galicia avogan por impulsar o diálogo social e a negociación colectiva

Os empresarios de Galicia avogan por impulsar o diálogo social e a negociación colectiva, elemento clave fronte á actuación do Goberno, ao que acusan de impoñer mediante decreto lei medidas que, ao seu entender, prexudican principalmente os autónomos e as pequenas e medianas empresas. 

"As ocorrencias veñen do Ministerio de Traballo. Non estabamos afeitos a que unha administración impuxera medidas de xeito unilateral. Iso impacta no tecido empresarial e nos traballadores", asegura o Presidente da CEG, Juan Manuel Vieites.