Os Estados Unidos reducen a corentena a cinco días

A Casa Branca relaxou as medidas anticovid.

Cortou á metade os días de corentena para os positivos, ata 5, e xa non pide corentena aos vacinados que estivesen preto do virus.

O país sofre unha escaseza de traballadores, en varios sectores, e as medidas queren facilitar a man de obra dispoñible.

É tamén un testemuño de que a variante ómicron tende a ser máis leve que as anteriores.

Ao mesmo tempo, o Goberno multiplicou por catro o número de farmacias que ofrecen tests de antíxenos e baralla pedir a cartilla de vacinación nos voos domésticos.