Os galegos da ACB afrontan unha nova xornada en situacións contrapostas despois do derbi

Aínda resoa o himno, e o derbi que levou o Breogán, cando os nosos volven afrontar outra crucial xornada. A do Leyma Coruña en Valencia, co dífícil obxectivo de frear a un dos equipos máis en forma da Liga. En situación límite, a tres vitorias da permanancia.

Ás seis comeza este partido. E ás nove menos cuarto, no Pazo, o Breogán recibe o Murcia. Equipo físico, duro. Os Bad Boys da Liga. En Lugo xa saben como as gastan. Imaxes de hai tres temporadas. 

O Breogán chega coa baixa de Atic e en forma. Con dúas vitorias seguidas que abriron a caixa da ilusón. E, por que non, de volver mirar a Europa.