Os goleadores do Ourense C. F. analizan a vitoria ante o X. Torrelavega
Os goleadores do Ourense C. F. analizan a vitoria ante o X. Torrelavega
Portela e Amín atenderon o Galicia en goles na zona mixta de Oira
![](https://img-g24-crtvg.flumotion.com/prog24/2023/20231029/g24ourcf.jpeg)
O conxunto da cidade das Burgas continua con paso firme nesta a súa segunda temporada en 2ª RFEF. Como vinganza pola eliminación copeira, os de Rubén Domínguez venceron por dous tantos a un e segue a aumentar o botín de cara ao obxectivo principal: a permanencia.
Tralo encontro, Roberto Carlos Carballo conversou cos dous goleadores: Amín e Portela. O canario regresaba tras lesión.
"Déronme a alta onte. Mellor imposible regresar así. Durante toda a semana estiven inactivo e o primeiro adestramento foi onte. Estamos competindo cos de arriba e hai que ir partido a partido".
Pola súa banda o veterano defensa Portela tamén festexou o triunfo ante os cántabros.
"O último gol xa foi hai un par de anos. Pero creo que o van poñer en propia porta. Dubidei porque un compañeiro estaba pedindo o balón pero finalmente decidín disparar. Xa sabemos que é un equipo correúdo. A base de balóns longos crearon problemas e foi bo porque vemos que este ano somos máis fortes e sólidos".