Os irmáns Chamosa danlle brillo á marcha galega

Primeiro título absoluto nun campionato de España en ruta para Antía Chamosa. O seu rexistro, 2.44.50, deulle o ouro nos 35 quilómetros marcha e tamén a mínima para o mundial de Toquio. É a cuarta mellor marca española da historia e sitúaa de segunda no ránking mundial do ano.

O primeiro en felicitar a Antía, na meta, foi seu irmán. Daniel estaba dobremente feliz, minutos antes el tamén conseguía unha medalla como subcampión de España na mesma distancia.