Ana Peleteiro: "Estou gozando, agora vou por todas no Europeo"

Ana Peleteiro disipou calquera posible dúbida sobre o seu estado físico e igualou a Conchi Paredes como a atleta con máis títulos de campioa de España de triplo salto en pista cuberta, tras conquistar este domingo en Madrid o seu noveno cordón nacional cunha marca de 14,33 metros. 

Esta marca que sitúa a Ana Peleteiro na terceira praza da clasificación mundial do ano só superada polas cubanas Leyanis Pérez (14,62) e Liadagmis Povea (14,57).

"Gozando, sen presión, indo de menos a máis pero comezando forte desde o primeiro salto".

Un rexistro que situou á galega, vixente campioa de Europa ao aire libre, como a líder continental do ano a dúas semanas do inicio dos Europeos baixo teito que se disputarán na cidade neerlandesa de Apeldoorn.

"Vou por todas, teño moitas ganas do Europeo".