Os liberais anuncian este domingo no Canadá o sucesor de Trudeau
Tomará as rendas do partido e do Goberno ata as novas eleccións xerais
Mark Carney, exgobernador do Banco Central do Canadá, é o favorito para ser o novo primeiro ministro, que terá que facerlles fronte aos embates anexionistas e proteccionistas de Trump
O Partido Liberal do Canadá anuncia este domingo quen será co sucesor de Justin Trudeau no partido e como primeiro ministro do país. Mark Carney, exgobernador do Banco Central do Canadá, é o favorito para tomar as rendas do Goberno ata as novas eleccións.
O resultado da contenda interna dos liberais coñecerase este domingo nun contexto das ameazas anexionistas e dos embates proteccionistas de Trump.
400.000 seguidores dos liberais votaron desde febreiro para elixir o sucesor de Trudeau, que gobernou o país desde 2015 tras gañar tres xerais consecutivas. Catro son os nomes dos candidatos para remudar a Trudeau: Karina Gould, Frank Baylis, Chrystia Freeland e Mark Carney. Pero é este último, exgobernador do Banco do Canadá e do Banco de Inglaterra, o claro favorito por diante de Freeland, exviceprimeira ministra e exministra de Finanzas.
.png)
