Os líderes da UE buscan pechar este luns o reparto da cúpula europea

Os xefes de Estado e de Goberno da Unión Europea reúnense este luns en Bruxelas nunha cea informal en que previsiblemente van pactar a nova cúpula das institucións europeas. 

Estaba previsto que o acordo chegase a finais deste mes, pero podería darse xa nese encontro. Se se cumpren as quinielas, a conservadora Ursula Von der Leyen seguirá á fronte da Comisión Europea a cambio de que o Consello Europeo o asuma o exprimeiro ministro portugués, o socialista António Costa, e de que a primeira ministra de Estonia, a liberal Kaja Kallas, substitúa a Josep Borrell como xefa da diplomacia europea.

Os xefes de Goberno da UE tamén poderían incluír no acordo a presidencia do Parlamento Europeo, que se espera que manteña Roberta Metsola na primeira metade da lexislatura.