Ourense acollerá un partido oficial da selección española de baloncesto

Ourense é a cidade elixida pola Federación Española de Baloncesto para o vital España-Eslovaquia de clasificación para o Eurobasket. O Pazo dos Deportes Paco Paz de Ourense acollerá o luns 25 de novembro ás oito da tarde este transcendental encontro da selección española.

Será o segundo partido da ventá FIBA que se disputará no mes de novembro, o primeiro será en Bratislava. A selección volve a Ourense 16 anos despois tras xogar dous amigables no verán do 2008.