Piden dezaoito meses de cadea para Castillo
Piden dezaoito meses de cadea para Castillo
A fiscalía acusa o expresidente do Perú de rebelión
Seguen as protestas na rúa en apoio a Castillo e pedindo eleccións
O ministro de Defensa anuncia a declaración de emerxencia na rede viaria
Este mércores é o último día de prisión preliminar de Pedro Castillo; a xustiza peruana aprobou o proceso contra o expresidente do país por rebelión. Segundo a axencia EFE, a Fiscalía pide para el 18 meses de prisión preventiva.
Dina Boluarte nega as acusacións de usurpadora vertidas tanto polo seu predecesor como polos manifestantes que tomaron as rúas peruanas dende a deposición de Castillo logo de que este tentase disolver o Congreso e establecer un goberno de emerxencia nacional.
No marco destas protestas que piden o adianto electoral e pechar o Congreso morreron sete persoas. O ministro de defensa anunciou que se declarará en emerxencia a rede viaria e as forzas armadas protexerán os puntos estratéxico do país.
