Planas proporálle á UE a revisión das reducións de pesca
Levará as propostas ao Consello de Ministros de Agricultura de Pesca da UE desta fin de semana
Considera inasumible a redución da cota de pescada sur no Atlántico
Tamén negociará as cotas de linguado, cigala e xurelo
A viabilidade do sector pesqueiro é o obxectivo co que o ministro de Agricultura, Pesca e Alimentación, Luis Planas, asistirá os vindeiros días 12 e 13 ao Consello de Ministros da área da UE que decidirá os totais de captura admisible (TAC) e as cotas pesqueiras para 2022.
Planas informou as comunidades autónomas que proporá alternativas para as reducións presentadas para a frota do Mediterráneo canda a revisión das propostas para especies do Atlántico como a pescada e o linguado. O ministerio considera inadmisible a redución do 18,5 % na cota da pescada sur e vai solicitar que se manteña a cota actual ata a primavera.
En materia de agricultura, Planas expresará a preocupación polo incremento dos custos de produción, sobre todo, canto a enerxía, fertilizantes e alimentación animal que están a poñer en dificultades a agricultores e gandeiros españois.
