Pontón pide mobilizarse ante un PP que "quere acabar co galego"

Ana Pontón pide mobilizarse ante un goberno "que quere acabar co galego", segundo ela, ata reducilo a unha lingua de uso residual. 

No encontro 'Gañar o futuro para a lingua galega', Pontón fixo un chamamento á sociedade galega a defender o idioma ante "a persecución sistemática" que cre que realiza o Partido Popular.

A situación actual é, para Pontón, de "emerxencia lingüística" cunha nova caída de falantes, pois considera que a Xunta busca "o monolingüismo en castelán".

A voceira do BNG propón pactar un novo decreto do galego no ensino para o próximo curso.