Preparativos para Acción de Grazas en Galicia

Astrid chegou a Galicia hai case dúas décadas e formou a súa familia en Moaña. Este xoves, coma cada ano por estas datas, prepáranse para o día de Acción de Grazas.

"É unha festividade antes do Nadal na que non se fan regalos e nos centramos en estar coa familia e agradecer todo o que temos", explica a propia Astrid.

Hai moitas teorías sobre a orixe desta festividade, mais unha das máis defendidas é que naceu no século XVII, nos EUA. No outono de 1621, os colonos ingleses de Plymouth (Massachusetts) celebraron un banquete para festexar que a colleita recollida despois dun ano especialmente duro.

Para a ocasión, invitaron tamén á tribo Wampanoag que lles deran comida para sobrevivir ao duro inverno. A festividade simboliza así o agradecemento e a fraternidade entre colonos e nativos.

Para a ocasión, a casa de Astrid recende a canela, arando e manteiga. No seu fogar fusiónanse as comidas típicas desta festividade, como o pavo ou as empanadas de mazá e cabaza, aínda que son servidas en pratos de Sargadelos que lle outorgan certa esencia galega.

No tocante aos preparativos desta festa, destaca a historia da empresa familiar Cascajares, referente na produción de capóns en España. En 2023 sufriu un incendio que arrasou por completo coa fábrica que tiñan en Palencia.

O único que quedou dela foi o nome, o mesmo que lles deu forza para tirar adiante e inaugurar poucos meses despois as novas instalacións. Hoxe xa poden presumir de ser a primeira empresa en Europa que cociña o capón co que se celebra o Día de Acción de Grazas.