Primeiro adestramento de Charlie Patiño co Deportivo
Primeiro adestramento de Charlie Patiño co Deportivo
O Deportivo presentou a Rafa Obrador: "Tiven varias ofertas, pero cando chegou a do Dépor pensei que era un lugar moi bo para crecer como xogador"
Charlie Patiño xa se adestra co Deportivo. O centrocampista inglés saltou ao céspede de Abegondo, tivo que sortear o corredor de lambadas que os xogadores brancos e azuis lles fan aos recentemente chegados e posteriormente púxose ás ordes do corpo técnico para comezar a sesión de traballo.
Patiño, anunciado onte como novo xogador do Deportivo ata 2028 cun emotivo vídeo mostrando os vínculos da súa familia coa cidade da Coruña, foi axudado en varios momentos por algúns dos seus compañeiros nos primeiros exercicios, xa que o mediocentro aínda non sabe castelán.
Pablo Vázquez e Mfulu foron dous deles, mentres que José Ángel tamén parou a falar con el antes de retirarse do céspede.
Antes o Deportivo presentou a Rafa Obrador, un reforzo para o lateral esquerdo.
"Tiven varias ofertas, pero cando chegou a do Dépor pensei que era un lugar moi bo para crecer como xogador".
Os dous están á disposición de Idiakez para o partido ante o Rácing.
