Os candidatos á presidencia adaptan a nova aritmética ás súas estratexias
Os candidatos á presidencia adaptan a nova aritmética ás súas estratexias
.jpg)
Reconto do voto exterior en Palma de Mallorca. EFE/Miquel A. Borràs
Á espera de que o escrutinio xeral confirme que o PP obtivo un escano máis en Madrid e alcanza os 137 deputados, os candidatos á presidencia do Goberno adaptan a nova aritmética parlamentaria ás súas estratexias.
Mentres Alberto Núñez Feijóo confía en ir a unha investidura co apoio de 172 deputados, Pedro Sánchez mételle presión a Junts para se sumar cun voto afirmativo ao bloque da esquerda.
En Moncloa son conscientes de que o reconto do voto exterior engade unha dificultade á hora de tentar repetir a investidura do candidato socialista. Porén, trasladan a mensaxe de que non hai présa.
O escrutinio das papeletas do CERA tamén muda o talante dos populares que agora se amosan dispostos a falar coa formación de Puigdemont, sempre que sexa "no marco da Constitución".
"Sen presión"
Pola súa banda, o expresidente da Generalitat advertiulle a Sánchez que só contará cos seus votos si alcanzan un acordo sobre o "conflito catalán" nunha negociación "sen presión" nin "chantaxe política".
Esta semana comeza a entrega de credenciais no Parlamento das persoas elixidas nas últimas eleccións xerais. Tamén se inician os trámites habituais, como a declaración de actividades ou as fichas que deben facer para a XV Lexislatura, que abrirá o 17 de agosto.
