Rescatan dous tripulantes dun pesqueiro que se afundiu fronte a Muxía

Salvamento Marítimo rescatou este mércores dous tripulantes dun pesqueiro que se afundiu fronte a Muxía co nome de Segundo María Isabel. O barco tivo unha vía de auga a media milla ao norte de praia de Arnela.

Ao momento mobilizouse a Salvamar Altair aínda que foi o pesqueiro Praia de Lago, que estaba na zona, o que asistiu os dous tripulantes.

Estes foron trasladados a Camariñas en bo estado de saúde mentres o pesqueiro se afundía e a Salvamar Altair recollía os restos que quedaron aboiando.