Senra gaña o duelo con Meira no Rally de Pontevedra

O Rally de Pontevedra foi un novo man a man dos dous grandes aspirantes ao campionato galego. Impúxose o pentacampión, Víctor Senra, que marcou o mellor tempo en seis dos dez treitos cronometrados.

Alberto Meira segue achegándose e foi quen de roubarlle catro scratchs ao de Dumbría, rematando a proba a 25 segundos. O terceiro chanzo do podio ocupouno Jorge Pérez Oliveira, a máis de dous minutos do vencedor.